اوجوز

اوجوز
آلمیش ایدین اوجوز منی

اونوتموشام او دردیمی

نییه اوجوز ساتدین منی

من نه ائدیم بو دردیمی

Sassiz

Intizar

Intizar

orayim dardda
konlum sasda
gozum yolda.

golaxlarim diksinir
bir gigiljim sasina
bir yapragin dushmasina.

asan yelin viziltisi
dalir bir an golaxlarimi.
chox chatindir intizar
yel gapiya vurankimi
elabilki yar galir.

gozum yolda
axtariram gaziram
tapmasamda sevgilimi
goz yashimdan iz goyuram
olursamda galar tapar
axir mana sevgi yapar
yurdumuzda gifillanan
har gapini ozu achar.

(Sassiz)

آذربایجان

وطن

گولشنیم باغیم یاهاریم دیر وطن

گول چیچکلی سئیرگاهیم دیر وطن

بولبولم باغ و چمنده من خوشام

نازلی یاریم خوش نیگاریم دیر وطن

بیز وطن نامین جانا جان بیلمیشیک

جان ائویم هم جان دییاریم دیر وطن

هر زامان هر یئرده هر شئی ده ن شیرین

دویغولو خوش سؤزلو یاریم دیر وطن

جان ائوینده ن سئیره چیخسام دا هر آن

سه س سیزام راحت مزاریم دیر وطن

Vətən

Gulshənim bagim baharimdir vətən

Gul chichəkli seyrgahimdir vətən

bulbuləm baag o chəməndə mən xosham

nazli yarim xosh nigarimdir vətən

biz vətən naamin jana jan bilmishik

jan evim ham jan diyarimdir vətən

hər zaman hər yerdə hər sheydən shirin

duygulu xosh sozlu yarimdir vətən

jan evindən seyrə chixsamda hər an

SƏSSİZəm rahət mazarimdir vətən

گنج سیگار چکن

سیگاری چکیب پوفله مه قوی سینه ده قالسین
بلکه سنی سن بیلمه دیگین درد لره سالسین
آللاه چوروموش جانینی نئی نیر نه یه آلسین
غمسیر یاشا سیگارینی سن پوفله آی اوغلان
بلکه اولاسان مش تقی یه سنده تای اوغلان

دؤرد خطلی ویـنیـستون چـکه نین جیبلری نردی
سن بی شعورون حبیب لـری بش چکدیغی زردی
تحصیل ائله ماخ خیری کـی یوخدور باشی شردی

چک سیگاری اوندان سورا ایچ رنگلی چای اوغلان

بورج ائیله دیگین پول لاری تئزلیکله سای اوغلان

آتانین سؤزون یاددان آتیب سیگاری چکدین
شرّین توخومون بو ایش ایلن ائولره اکدین
هم مدرسه دن آیریلالی دوز یولو دکدین

آسوده دولان ائیله مه غم لای لای آی اوغلان
اؤلدون آتا اولموش سنین اوغلوندا گای اوغلان

ایش گزمه دولان سئیر ائله سن کوچه باشیندا
بیل کی آییلارسان سن اوتوز اللی یاشیندا
اوندا اریلیب کؤوده، وار آغ توکده قاشیندا
مظلوم یاشاماق اولدو حیاتیندا پای اوغلان
غیرتلی اوغول اولمویاجاق سنله تای اوغلان

من سیگاریوون عاقبتین سؤیله دیم آنلا
سیگار چکن اوغلان لارا پرخاش ائله دانلا
آت سیگاری غیرتله کیتابلارینی یانلا
تا ائتمه یه سن عؤمر اؤته لی عؤمره وای اوغلان
قیش گؤرمه یه سن عؤمرون یاز، یا یای اوغلان

سه س سیز سنه سؤزلر دئدی گئت فکر ائله اوغلان
گئج عؤمرونو وئرمه هاوایا یا یئله اوغلان
جهد ائت و چالیش، خئیرینی گؤستر ائله اوغلان
علم ایله معلّم یاشا، یا دکتر آی اوغلان
قویما عزیز عؤمرون اولا بیهوده زای اوغلان

http://www.ostadlar.blogfa.com اردشیر رضایی
http://www.odman.blogfa.comدکتر داود رضایی
http://mansanbiz.blogspot.com/اردشیر رضایی عکس و کتاب ها
http://mansanbiz-sassiz.blogspot.com/اکبر رضایی کتاب مطبوعات عکس و
http://www.hikayeler.net/yazarlar/20963/akbar-rezayi/bekleyenyorumlar-1/اکبر رضایی
http://garadag-sassiz.blogspot.com/دکتر داود رضایی کتاب مطبوعات عکس و

یاخین دوست

حیـات سنی داغلاسادا

یول لارینــی باغلاسادا

کدرلی غــم چاغلاسادا

نه سات نه آت یاخین دوستو

گؤزونده ن آخسادا یاشین

قوجــالسادا جاوان یاشین

چاتمــالاسا حیات قاشین

نه سات نه آت یاخین دوستو

حیـــاتینی دومان آلسا

وارلیـغینی گومان آلسا

فلــک غملی هوا چالسا

نه سات نه آت یاخین دوستو

دار گــونـونـون کـؤمه یی دی

یـولـداشـی نیـن اوره یــی دی

دوست، ائوی نین دیره یی دی

نه سات نه آت یاخین دوستو

کــؤنلــونوده یــاخــار سنه

گــؤزه ل هــاوا چــالار سنه

گئــده ر هــامی، قـالار سنه

نه سات نه آت یاخین دوستو

آرزوسو یـوخ ایسته یــی یوخ

محبتی سئوگــــی ســی چوخ

دوشمن گؤزونه ده یسین اوخ

نه سات نه آت یاخین دوستو

دوست حیاتین گونشی دیر

حیــات اوزره بیـردیر او بیر

عــؤمــرونه اولساندا اسیر

نه سات نه آت یاخین دوستو

یامـان گونون چیراغی دی

سونسوز یولـــون دوراغی دی

باتـــان گـــؤلون قیراغی دی

نه سات نه آت یاخین دوستو

یاخشی دوستو قارداشین بیل

ســنه یــانان جان باجین بیل

گؤزون قاشین هم جانین بیل

نه سات نه آت یاخین دوستو

یولداش سنی جان تک سئوه ر

دوست یولوندا جاندان کئچه ر

بــو دونیــانی جنــت ائــده ر

نه سات نه آت یاخین دوستو

چیچـک لی گول تک قوخویار

سئومـــه لی ماهنی اوخویار

دوســتا چلنــگ لــر توخویار

نه سات نه آت یاخین دوستو

درد بــوروســــه جــانین، دوزه ر

آغلاســـــادا، گــــــولسن گولر

سنه (سه س سیز) باخار دییه ر

نه سات نه آت یاخین دوستو